Toutes à l'école
Employee
Full time
Phnom Penh
R-5013-0817
នាយក / នាយិកាសាលាបឋមសិក្សា
ការសង្ខេបពីមុខតំណែងការងារ
Toutes à l'école កំពុងស្វែងរក នាយក / នាយិកាសាលាបឋមសិក្សា។ បេសកកម្មរបស់នាយក ឬនាយិកាសាលាបឋមសិក្សាត្រូវរក្សាភាពជាអ្នកដឹកនាំប្រកបដោយវិជ្ជាជីវៈសម្រាប់ សាលារៀន ដើម្បីធានាភាពជោគជ័យ និងការរីកចំរើនរបស់សាលារៀន។ នាយក ឬនាយិកាត្រូវផ្តល់ការអប់រំ ប្រកបដោយគុណភាពខ្ពស់ ចំពោះសិស្សានុសិស្សទាំងអស់ និងស្តង់ដារនៃការសិក្សា និងសមិទ្ធផលល្អ៕
កាតព្វកិច្ចនិងតួនាទី
ភារកិច្ច និងទំនួលខុសត្រូវក្នុងការអនុវត្តសកម្មភាព:
- ភារៈកិច្ចជាអ្នកដឹកនាំ និងគ្រប់គ្រង៖
ទិសដៅយុទ្ធសាស្រ្ត និងការអភិវឌ្ឍសាលារៀន
- ផ្តល់ការដឹកនាំបំផុសគំនិត និងកំណត់គោលបំណង សម្រាប់បុគ្គលិក និងសិស្សានុសិស្ស
- ធ្វើការជាមួយឪពុកម្តាយសិស្ស និងគណៈគ្រប់គ្រងសាលា ដើម្បីបង្កើនការចូលរួមរបស់ពួកគាត់នៅសាលារៀនយើង និងការអភិវឌ្ឍធនធានសម្រាប់សាលារៀន
- បន្តការអនុវត្តន៍ផែនការអភិវឌ្ឍន៍ ដើម្បីធានាឲ្យមានការរីកចំរើនជាបន្តបន្ទាប់ដល់សាលារៀន
- ត្រួតពិនិត្យ និងវាយតំលៃការអនុវត្តរបស់សាលារៀន និងឆ្លើយតប និងធ្វើរបាយការណ៍ ជូននាយិកាគរុកោសល្យ និងនាយកប្រតិបតិ្តសាលា តាមតម្រូវការ
- ត្រូវរៀបចំរបាយការណ៍សង្ខេបនូវលទ្ធផល ហើយបកស្រាយនាពេលប្រជុំផ្នែកគរុកោសល្យ បន្ទាប់ពី ការប្រឡងនីមួយៗ
- ធានាថា គោលដៅ និងការអនុវត្តរបស់សាលារៀនយកចិត្តទុកដាក់លើតម្រូវការថ្នាក់ជាតិ ថ្នាក់តំបន់ និងការសិក្សាអប់រំ
- បង្កើតកាលវិភាគគោលប្រចាំឆ្នាំ សម្រាប់កម្មវិធីសិក្សា ដោយផ្អែកលើកម្មវិធីសិក្សាជាតិ ដែលចេញ ដោយក្រសួងអប់រំយុវជន និងកីឡា
- ធានាថា រាល់ឯកសារទាំងអស់ត្រូវបានរៀបចំជាស្រេច តាមតម្រូវការរបស់ក្រសួងអប់រំ (ឧទាហរណ៍ សៀវភៅរដ្ឋបាល)
- រៀបចំការចុះអធិការកិច្ចរបស់ក្រសួងអប់រំ បើសិនចាំបាច់
- ការវាយតម្លៃរបស់សិស្សានុសិស្សៈ
- ផ្ទៀងផ្ទាត់ និងពិនិត្យពិន្ទុ ការចុះបញ្ជី និងរបាយការណ៍លទ្ធផលនៃការប្រឡង ដើម្បីវាយតំលៃ ការកើនឡើង និងការរីកចំរើនរបស់សិស្ស
- ដឹកនាំការវាយតំលៃសិស្សានុសិស្ស
១. សំណួរប្រចាំខែ
- ពិនិត្យមើលការចុះបញ្ជីលទ្ធផលប្រចាំខែ
២. ការប្រឡងឆមាស
- ពិនិត្យឡើងវិញនូវសំណួរ / លំហាត់ប្រឡងឆមាស ដែលស្នើឡើងដោយគ្រូបង្រៀន
- ត្រួតពិនិត្យ និងជ្រើសរើសសំណួរ / លំហាត់ប្រឡងស្នើឡើងជាមួយនាយិកា
- រៀបចំ និងត្រួតពិនិត្យការកែវិញ្ញាសាប្រឡង
- ផ្ទៀងផ្ទាត់ និងត្រួតពិនិត្យអត្រាកំណែដែលបានបង្កើតឡើងដោយគ្រូបង្រៀន
- ពិនិត្យមើលគ្រប់ឯកសារប្រឡងកែដោយគ្រូបង្រៀន
- វាយតម្លៃផលលំបាកក្នុងការរៀនរបស់សិស្សានុសិស្ស និងពិគ្រោះយោបល់ជាមួយពួកគាត់
ការដឹកនាំ និងគ្រប់គ្រងបុគ្គលិក
- រៀបចំផែនការ បែងចែក គាំទ្រ និងវាយតំលៃការងារដែលបានអនុវត្ត លក្ខណៈជាក្រុម (ក្រុម និងបុគ្គល) ដើម្បីធានានូវការបែងចែកភារកិច្ចច្បាស់លាស់ និងការទទួលខុសត្រូវនានា ស្របតាមលក្ខខណ្ឌការងារ
- រៀបចំ និងតាមដានឯកសារសម្រង់វត្តមានប្រចាំសប្តាហ៍ និងទាក់ទងទៅការិយាល័យធនធានមនុស្ស
- អនុវត្ត និងរក្សាប្រព័ន្ធប្រកបដោយប្រសិទ្ធភាព ចំពោះការគ្រប់គ្រងការបំពេញការងាររបស់បុគ្គលិក រួមបញ្ចូលទាំងសមត្ថភាពគ្រប់គ្រង និងការកំណត់គោលដៅ
- អនុវត្តការវាយតម្លៃការងារប្រចាំឆ្នាំរបស់បុគ្គលិកទាំងអស់
- ពង្រឹង និងតាមដានបន្តការអភិវឌ្ឍវិជ្ជាជីវៈរបស់បុគ្គលិក រួមទាំងការបណ្ដុះបណ្ដាលគ្រូបង្រៀននូវសមត្ថភាពថ្មីៗ
- ការអភិវឌ្ឍវិជ្ជាជីវៈ
- ស្រាវជ្រាវ និងបង្កើតបច្ចេកទេសបង្រៀនថ្មីៗ
- បណ្តុះបណ្តាលគ្រូបង្រៀនអំពីបច្ចេកទេសបង្រៀនថ្មីៗ
- ស្រាវជ្រាវ និងផ្តល់នូវប្រភពឯកសារផ្សេងៗសម្រាប់គ្រូបង្រៀន ដើម្បីងាយស្រួលក្នុងការបង្រៀន
- រៀបចំវគ្គបណ្តុះបណ្តាលក្រៅសាលារៀន បើសិនចាំបាច់
ការរៀបចំបុគ្គលិក និងធនធានប្រកបដោយគុណភាព និងប្រសិទ្ធភាព
- បំពេញការងារយ៉ាងស្និទ្ធជាមួយការិយាល័យធនធានមនុស្សក្នុងការគ្រប់គ្រងគ្រូបង្រៀន ជ្រើសរើសបុគ្គលិក រក្សាទុក រៀបចំបុគ្គលិក សហការគ្នាប្រកបដោយប្រសិទ្ធភាព ដើម្បីរក្សា និងលើកកម្ពស់គុណភាពនៃការអប់រំដែលបានផ្តល់
- បង្កើតការរៀបចំសម្រាប់ធានានូវសុវត្ថិភាព និងការគ្រប់គ្រងប្រកបដោយប្រសិទ្ធភាពដល់សិស្សានុសិស្ស
- កំណត់នូវការងារអាទិភាពឲ្យបានត្រឹមត្រូវ ចំពោះរាល់ការចំណាយ ការប្រើប្រាស់ថវិកា និងប្រសិទ្ធភាព
- គ្រប់គ្រង តាមដាន និងពិនិត្យឡើងវិញនូវការរៀបចំ គុណភាព និងការប្រើប្រាស់ធនធានទាំងអស់ ដើម្បីកែលម្អគុណភាពនៃការអប់រំ សមិទ្ធិផលរបស់សិស្ស និងធានានូវប្រសិទ្ធភាព
គណនេយ្យភាព
- បន្តអភិវឌ្ឍការរៀបចំជូនបុគ្គលិកទាំងអស់ ដើម្បីឲ្យពួកគាត់ដឹងថា ពួកគាត់មានសារៈសំខាន់ និងជាអ្នកទទួលខុស ត្រូវចំពោះភាពជោគជ័យរបស់សាលារៀន
- ធានាថា ឪពុកម្តាយរបស់សិស្ស ការងារ និងសិស្សទាំងអស់ បានដឹងច្បាស់លាស់អំពីកម្មវិធីសិក្សា លទ្ធផលសិក្សា និងការរីកចំរើន និងអំពីការចូលរួមចំណែករបស់ពួកគាត់ ដើម្បីផ្តល់នូវការគាំទ្រការរៀនសូត្រដល់កូនៗរបស់ពួកគាត់ និងសំរេចបាននូវគោលដៅនៃការកែលម្អរបស់សាលារៀន
- អនុវត្តភារកិច្ចឲ្យបានត្រឹមត្រូវតាមការស្នើសុំដោយគណៈគ្រប់គ្រងសាលារៀន
- បុគ្គលិក និងអ្នកស្ម័គ្រចិត្តទាំងអស់មានសិទ្ធិអាចលើកឡើងនូវការព្រួយបារម្ភ ទាក់ទិនការអនុវត្តមិនប្រក្រតី ឬគ្រោះថ្នាក់ ប៉ះពាល់ដល់សិស្សានុសិស្ស ហើយការព្រួយបារម្ភទាំងនេះត្រូវបានដោះស្រាយប្រកបដោយភាពម៉ត់ចត់ និងប្រសិទ្ធភាពទាន់ពេលវេលា
ការងារបច្ចេកទេសៈ ការបង្រៀន និងការរៀន
- បន្តការការពារបរិស្ថានដែលលើកកម្ពស់ និងធានានូវការបង្រៀនដ៏ល្អ ការរៀនសូត្រប្រកបដោយស្តង់ដារខ្ពស់ ក្នុងការបំពេញការងារ និងអាកប្បកិរិយាល្អ
- ត្រួតពិនិត្យ និងវាយតម្លៃគុណភាពការបង្រៀន និងការរៀន និងស្តង់ដារក្នុងការបំពេញការងាររបស់សិស្សទាំងអស់ នៅក្នុងសាលារៀនតាមរយៈវិធីសាស្រ្តសមស្រប
- ត្រួតពិនិត្យដំណើរការបង្រៀន និងការរៀន
- ធ្វើការជាមួយគ្រូបង្រៀន ដើម្បីអភិវឌ្ឍសៀវភៅលំហាត់
- ធ្វើការជាមួយគ្រូបង្រៀន ដើម្បីកែលម្អសម្ភារៈបង្រៀន
- អធិការកិច្ចផ្ទៃក្នុង៖
- រៀបចំ និងអនុវត្តការចុះអធិការកិច្ចថ្នាក់រៀនឲ្យបានទៀងទាត់
- វាយតម្លៃការបង្រៀនរបស់គ្រូបង្រៀន
- ផ្តល់មតិយោបល់ដល់គ្រូបង្រៀន ដើម្បីកែលម្អការបង្រៀនរបស់ពួកគាត់
- សរសេររបាយការណ៏ស្តីពីការចុះអធិការកិច្ចគ្រូបង្រៀន ហើយផ្ញើរជូននាយិកាសាលា
- ការអភិវឌ្ឍវិជ្ជាជីវៈ
- រៀបចំ និងដឹកនាំការប្រជុំបច្ចេកទេសប្រចាំខែ
- ដឹកនាំការបង្រៀនលក្ខណៈជាដៃគូរឲ្យបានទៀងទាត់ ដើម្បីពង្រឹងចំណេះដឹងនៃខ្លឹមសារមុខវិជ្ជានីមួយៗ
- រៀបចំការបង្រៀនខ្នាតតូច ឬការសិក្សាមេរៀន ដើម្បីពង្រឹងការបង្រៀនតាមថ្នាក់នីមួយៗ
- ធានាថា សិស្សានុសិស្សទាំងអស់អភិវឌ្ឍសមត្ថភាពសិក្សារបស់ខ្លួន ដើម្បីរៀនសូត្រឱ្យកាន់តែមានប្រសិទ្ធិភាព និងបង្កើននូវឯករាជ្យភាព
- រៀបចំថ្នាក់បំប៉ននៅពេលចាំបាច់
- ផ្តល់ជំនួយដល់គ្រូបង្រៀនដែលមានសិស្សពិបាករៀនក្នុងការបង្រៀន
- កំណត់ រៀបចំ និងអនុវត្តគោលការណ៍ សម្រាប់ការអភិវឌ្ឍន៍បុគ្គល សង្គម និងសីលធម៌របស់សិស្សានុសិស្ស
- សហការជាមួយការិយាល័យសង្គម និងសុខភាព និងប្រធានអនុរក្សក្នុងការអភិវឌ្ឍទំនាក់ទំនង
- កំណត់ និងអនុវត្តយុទ្ធសាស្រ្ត និងកម្មវិធីវិជ្ជមានដែលធានាឱ្យមានឥរិយាបថ និងវិន័យល្អរបស់សិស្ស និងផ្តល់ការ គាំទ្រ និងការណែនាំច្បាស់លាស់អំពីការលើកលែងទោស
- ធ្វើការសហការជាមួយប្រធានអនុរក្ស ចំពោះរាល់បញ្ហាទាំងអស់អំពីអាកប្បកិរិយារបស់សិស្ស
- របាយការណ៏អំពីអាកប្បកិរិយាមិនសមរម្យ
- ការសំរេចចិត្តនៃការដាក់ទណ្ឌកម្ម
- បន្តរក្សាភាពជាដៃគូប្រកបដោយប្រសិទ្ធភាពជាមួយឪពុកម្តាយសិស្ស និងសហគមន៍ទាំងមូល ដើម្បីគាំទ្រ និងលើក កម្ពស់សមិទ្ធផលរបស់សិស្ស និងការអភិវឌ្ឍខ្លួនផ្ទាល់
- រៀបចំការប្រជុំមាតាបិតាសិស្សទូទៅឲ្យបានទៀងទាត់
- ត្រួតពិនិត្យ និងរៀបចំការប្រជុំជាលក្ខណៈបុគ្គល ជាមួយឪពុកម្តាយរបស់សិស្សដែលជួបការលំបាក
ភារកិច្ចផ្សេងទៀត
- រៀបចំ និងចូលរួមក្នុងព្រឹត្តិការណ៍នានារបស់សាលារៀន សិក្ខាសាលា ការបណ្តុះបណ្តាល ដំណើរកម្សាន្ត និងរាល់សកម្មភាពដែលអាចប្រព្រឹត្តទៅនៅចុងសប្តាហ៍ ឬពេលល្ងាច
- ទំនាក់ទំនងល្អជាមួយមិត្តរួមការងារ និងចេះបត់បែនតាមស្ថានភាពការងារ
- ជួបជាមួយអ្នកជំនាញផ្សេងទៀត ដូចជាបុគ្គលិកផ្នែកសង្គម និងចិត្តវិទ្យា ប្រសិនបើចាំបាច់
តំរូវការផ្សេងៗទៀត
- សញ្ញាបត្របរិញ្ញាបត្រតាមជំនាញ/មុខវិជ្ជា ឬសញ្ញាបត្រខ្ពស់ជាងនេះ
- វិញ្ញាបនបត្រគរុកោសល្យ(បរិញ្ញាបត្រ + ១) ដែលចេញដោយក្រសួងអប់រំយុវជននិងកីឡា ឬបរិញ្ញាបត្រជាន់ខ្ពស់ ផ្នែកអប់រំ
- បទពិសោធន៍យ៉ាងតិចចំនួន ១០ឆ្នាំក្នុងការបង្រៀន
- បទពិសោធន៍គ្រប់គ្រងកាន់តែប្រសើរ
- ស្រឡាញ់ និងប្តេជ្ញាក្នុងការបង្រៀនក្មេងស្រីមានជីវភាពក្រីក្រ
- ចេះសម្របខ្លួន និងចេះបត់បែនតាមស្ថានភាពការងារ
- ជំនាញកុំព្យូទ័រ និងភាសាអង់គ្លេសកាន់តែប្រសើរ
លក្ខខណ្ឌៈ
- ទទួលបានប្រាក់ឈ្នួលសមរម្យ និងសេវាធានារាប់រងសុខភាព និងអាយុជីវិត
- សាលាមានរថយន្តសម្រាប់ដឹកជញ្ជូន
- ម៉ោងធ្វើការ៖ ៤០ម៉ោងក្នុងមួយសប្តាហ៍
សូមផ្ញើរប្រវត្តិរូបសង្ខេប និងលិខិតបញ្ជាក់ពីមូលហេតុទៅកាន់អ៊ីម៉ែលៈ toutesalecole@topjobcambodia.com
អាសយដ្ឋានៈ ផ្ទះលេខ ៩០២, ផ្លូវ ៣៦៩, សង្កាត់ព្រែកថ្មី, ខណ្ឌច្បារអំពៅ, រាជធានីភ្នំពេញ
រយៈពេលនៃការផុតកំនត់
Apply to this position
Apply by email
Any enquiries? Call us : 023 22 44 22