វិទ្យាល័យបារាំងរ៉ឺនេដេកាតភ្នំពេញនៃប្រទេសកម្ពុជា ស្វែងរកបុគ្គលិកទាំងពីរភេទមួយរូបផ្នែកលេខាខាងសាលាមធ្យមសិក្សា។

វិទ្យាល័យបារាំងរ៉ឺនេដេកាតភ្នំពេញនៃប្រទេសកម្ពុជា គឺជាគ្រឹះស្ថានសិក្សាភាសាបារាំងមួយក្នុងចំណោមគ្រឹះស្ថានសិក្សាភាសាបារាំងចំនួន ៤៩៥គ្រឹះស្ថានផ្សេងទៀតនៅបរទេស ដែលត្រូវបានទទួលស្គាល់ដោយក្រសួងអប់រំជាតិបារាំង និងជាសមាជិកនៃបណ្តាញទីភ្នាក់ងារសម្រាប់ការអប់រំភាសាបារាំងនៅបរទេស ។

វិទ្យាល័យបារាំងរ៉ឺនេដេកាតផ្តល់នូវការអប់រំកម្រិតបឋមសិក្សា និងកម្រិតមធ្យមសិក្សា ដោយគោរពទៅតាមកម្មវិធីអប់រំបារាំងទាំងស្រុង។

បច្ចុប្បន្នវិទ្យាល័យបារាំងរ៉ឺនេដេកាតមានសិស្សប្រមាណជាង ១២៧០នាក់ ដោយគិតចាប់ពីថ្នាក់មត្តេយ្យរហូតដល់ថ្នាក់Terminale (ផ្នែកវិទ្យាសាស្រ្ត ផ្នែកសេដ្ឋកិច្ច និងសង្គម ព្រមទាំងផ្នែកអក្សរសាស្រ្ត)។

លេខាធិការទាំងពីរភេទនឹងមានភារកិច្ចជួយដល់នាយករងសាលា និងប្រធានទីប្រឹក្សាអប់រំ ព្រមទាំងធានារាល់កិច្ចការខាងក្នុង និងខាងក្រៅសាលា ជាពិសេសតាមរយ:អ្នកជំនួយការរបស់នាយកសាលា៕

• លេខាធិការទាំងពីរភេទនឹងមានភារកិច្ចជួយដល់នាយករងសាលា និងប្រធានទីប្រឹក្សាអប់រំក្នុងការរៀបចំការងារប្រចាំថ្ងៃរបស់ពួកគាត់ (ដូចជាការណាត់ជួបខាងក្នុង និងក្រៅសាលា កិច្ចប្រជុំនានា ការរៀបចំនិទានុលេខន៍ ។ល។ ) ព្រមទាំងតាមដានសំបុត្រផ្ទាល់ខ្លួន និងកិច្ចការសំខាន់ៗផ្សេងៗ។
• លេខាធិការទាំងពីរភេទធានាដល់ការរៀបចំ ការត្រៀមទុកជាមុន និងតាមដានកិច្ចប្រជុំនានា ការជំនួសគ្រូផ្សេងៗ ម៉ោងការងារបន្ថែម អវត្តមាន ការឈប់សម្រាក។ល។
• លេខាធិការទាំងពីរភេទធានានូវការទទួលស្វាគមន៍ដំបូងសម្រាប់ភ្ញៀវនានាខាងសាលាមធ្យមសិក្សា ដោយផ្ទាល់ និងតាមរយៈទូរស័ព្ទ។
• លេខាធិការទាំងពីរភេទធានានូវការតាមដានផ្នែករដ្ឋបាលរបស់សិស្ស (ដូចជាការចុះឈ្មោះចូលរៀនបឋម ការចុះឈ្មោះចូលរៀនជាផ្លូវការ ការផ្តល់អាហារូបករណ៍សម្រាប់ការទិញសៀវភៅសិក្សា ការធ្វើបញ្ជីសម្ភារៈសិក្សាសម្រាប់សិស្សជាដើម ។ល។)។
• លេខាធិការទាំងពីរភេទគ្រប់គ្រងឯកសារទៅតាមកាលកំណត់ជាក់លាក់ ឬឯកសារដដែលៗ និងសិក្សាពីកម្មវិធីកុំព្យូទ័រនានាដែលប្រើប្រាស់ក្នុងការគ្រប់គ្រងកិច្ចការប្រចាំថ្ងៃ។
• លេខាធិការទាំងពីរភេទផ្តោតបន្ថែមទៅលើការរៀបចំវគ្គបណ្តុះបណ្តាលនានាដែលរៀបចំដោយវិទ្យាល័យបារាំងរ៉ឺនេដេកាត។
• លេខាធិការទាំងពីរភេទធានានូវកិច្ចការរដ្ឋបាលសម្រាប់ការប្រឡងនានា (ដូចជាលិខិតការកោះហៅគ្រូ និងសិស្ស ការរៀបចំការបម្លាស់ទីទៅបរទេស លិខិតបេសកកម្ម ការតាមដានសញ្ញាប័ត្រមធ្យមសិក្សាទុតិយភូមិ និងមធ្យមសិក្សាបឋមភូមិជាដើម)។
• លេខាធិការទាំងពីរភេទធ្វើការបកប្រែផ្នែកសរសេរ និងផ្ទាល់មាត់ជាប្រចាំ ពីភាសាខ្មែរ អង់គ្លេស និងបារាំង។
• លេខាធិការទាំងពីរភេទជួយលោកគ្រូអ្នកគ្រូ គ្រូបណ្ដុះបណ្ដាល សិក្ខាកាម និងអ្នកមកបណ្ដុះបណ្ដាលមកពីខាងក្រៅសាលា ក្នុងកិច្ចការរៀបចំការងាររបស់ពួកគាត់។
• លេខាធិការទាំងពីរភេទផ្ដោតបន្ថែមលើការដឹកនាំក្នុងការរៀបចំការបោះឆ្នោត និងសន្និបាតនានារបស់សមាគមមាតាបិតាសិស្ស ព្រមទាំងការរៀបចំការបោះឆ្នោតនានាជាផ្លូវការ និងការបោះឆ្នោតក្រុមប្រឹក្សាសាលាផងដែរ។
• លេខាធិការទាំងពីរភេទផ្ដោតបន្ថែមលើការរៀបចំទស្សនកិច្ចសិក្សា និងដំណើរកម្សាន្ដសិក្សានានា។
• លេខាធិការទាំងពីរភេទផ្ដោតបន្ថែមលើការរៀបចំកិច្ចប្រជុំក្រុមប្រឹក្សាថ្នាក់រៀន (ការជ្រើសរើសបេក្ខភាពមាតាបិតាតំណាង ការរៀបចំដំណើរការកិច្ចប្រជុំ និងទំនាក់ទំនងផ្សេងៗ)៕

• លេខាធិការខាងមធ្យមសិក្សាទាំងពីរភេទមានចំណេះដឹងល្អអំពីតម្លៃ គោលបំណង និងគម្រោងអប់រំនានារបស់សាលា។
• ដោយមានទំនាក់ទំនងអចិន្ត្រៃយ៍ជាមួយនឹងសិស្សានុសិស្ស មាតាបិតាសិស្ស និងបុគ្គលិករបស់សាលា ជាពិសេសជាមួយក្រុមការងារដឹកនាំ លេខាធិការខាងមធ្យមសិក្សាទាំងពីរភេទត្រូវតែមានលទ្ធភាពក្នុងការសម្របសម្រួលទៅវិញទៅមកប្រកបដោយវិជ្ជាជីវៈខ្ពស់ គ្រប់គ្រងស្ថានភាពទំនាក់ទំនងដែលមានពេលខ្លះមានភាពលំបាកតានតឹង ព្រមទាំងរាយការណ៍អំពីកិច្ចការរបស់ខ្លួនទៅដល់បុគ្គលិក និងផ្នែកនានាដែលពាក់ព័ន្ធ។
• លេខាធិការខាងមធ្យមសិក្សាទាំងពីរភេទត្រូវតែយល់ដឹងពីរបៀបសរសេរ និងធ្វើទ្រង់ទ្រាយឯកសារនានាជាលក្ខណៈរដ្ឋបាល រៀបចំការងាររបស់ខ្លួនឱ្យបានត្រឹមត្រូវល្អ និងចេះគ្រប់គ្រងបញ្ហាការងារនានាដែលកើតឡើងជាយថាហេតុ ដោយរៀបចំផែនការ និងកំណត់អាទិភាពនៃការងារតាមកាលកំណត់ដែលសមស្រប។ លេខាធិការទាំងពីរភេទត្រូវដឹងពីបច្ចេកទេសក្នុងការចងក្រង រៀបចំឯកសារ និងបណ្ណសារ។
• លេខាធិការទាំងពីរភេទត្រូវចេះរក្សារាល់ការសម្ងាត់ក្នុងគ្រប់កាលៈទេសៈទាំងអស់៕