Toutes à l'école ត្រូវការជ្រើសរើស ជំនួយការគ្រូបង្រៀនបឋមសិក្សា ចំនួន០១នាក់។ ទំនួលខុសត្រូវរបស់ជំនួយការគ្រូបង្រៀនត្រូវផ្តល់ជំនួយបន្ថែមដល់សិស្សានុសិស្ស និងជួយគ្រូបង្រៀននៅក្នុងការផ្តល់ចំណេះដឹងអប់រំ។

ជំនួយការគ្រូបង្រៀនមានទំនួលខុសត្រូវក្នុងការបំពេញភារកិច្ចមួយចំនួន ទាំងការងារបង្រៀន និងកិច្ចការរដ្ឋបាលមានដូចជា៖

១. ចូលរួមជាមួយគ្រូប្រចាំថ្នាក់

• ត្រៀម និងរៀបចំសម្ភារឧបទេសបង្រៀនផ្សេងៗគ្នានៅក្នុងថ្នាក់រៀន
• បង្កើនការចង់ដឹងចង់ឃើញ ការបកស្រាយ និងការដោះស្រាយបញ្ហាចំពោះសិស្សានុសិស្ស
• ជំនួសគ្រូបង្រៀននៅពេលអវត្តមាន
• ជួយគ្រូបង្រៀនក្នុងការរក្សាវិន័យ និងការត្រួតពិនិត្យមើលសិស្សានុសិស្ស នៅពេលបង្រៀនមេរៀន និងគ្រប់សកម្មភាពទាំងអស់
• ធ្វើការសហការជាមួយគ្រូបង្រៀន
• ជំរុញការចូលរួមយ៉ាងសកម្មរបស់ឪពុកម្តាយទាំងអស់នៅក្នុងកម្មវិធីសិក្សា
• រក្សានូវឥរិយាបថវិជ្ជមាន ស្ងៀមស្ងាត់ និងសម្លេងទន់ភ្លន់ និងរក្សាអាកប្បកិរិយា និងសម្លេងទាំងនេះ ចំពោះអ្នកធ្វើការដទៃទៀតនៅក្នុងថ្នាក់រៀន
• រក្សាអាកប្បកិរិយាសហការណ៍ក្នុងការធ្វើការងារជាមួយគ្នា ជាមួយគ្រូបង្រៀន បុគ្គលិកស្ម័គ្រចិត្ត ឪពុកម្តាយសិស្ស និងសកម្មភាពអនុវត្តផ្សេង

២. ជួយដល់សិស្សរៀនខ្សោយ ឬយឺត

• រៀបចំមេរៀនជាមួយគ្រូបង្រៀន យោងទៅតាមតម្រូវការរបស់សិស្សម្នាក់ៗ
• ធ្វើការយ៉ាងជិតស្និទ្ធជាមួយគ្រូបង្រៀន ដើម្បីកំណត់បច្ចេកទេសក្នុងការជួយសិស្សមានតម្រូវការពិសេស
• រៀបចំសិស្សជាក្រុមតូចៗ ឬធ្វើការងារជាបុគ្គល ជាមួយសិស្សពិសេសៗនៅពេលបង្រៀន
• រៀបចំសិស្សជាបុគ្គល ឬក៏រៀបចំជាក្រុមពិភាក្សា មានគ្នាចំនួនតិចតួច
• ជួយសិស្សធ្វើកិច្ចការ ដើម្បីឱ្យគ្រូបង្រៀនអាចប្រមូលអារម្មណ៍បានល្អលើការបង្រៀន
• បង្កើតបរិយាកាសបង្រៀនរីករាយ មានសារប្រយោជន៍ និងគួរឱ្យចាប់អារម្មណ៍ដល់សិស្សានុសិស្ស
• ពិនិត្យមើលសិស្សានុសិស្ស ដើម្បីកំណត់នូវរោគសញ្ញាជម្ងឺ ស្នាមរបួស ការរំខានផ្លូវអារម្មណ៍ បញ្ហារៀនសូត្រ និងការនិយាយស្តី ចំពោះសញ្ញាណសង្ស័យទាំងឡាយ ឬបងា្ហញពីការរំលោភបំពានសិស្ស ឬការធ្វេសប្រហែសចំពោះសិស្ស ហើយត្រូវរាយការណ៍ជាបន្ទាន់អំពីការត្រួតពិនិត្យដល់គ្រូបង្រៀន ដើម្បីធ្វើការតាមដាន

៣. ការងារផ្សេងទៀត

• ចូលរួមការប្រជុំមាតាបិតាសិស្ស ឬព្រឹត្តិការណ៍ផ្សេងទៀតរៀបចំដោយសាលារៀន
• ចូលរួមក្នុងព្រឹត្តិការណ៍ផ្សេងរបស់សាលា សិក្ខាសាលា ការបណ្តុះបណ្តាល ដំណើរកម្សាន្ត និងសកម្មភាពដែលអាចប្រព្រឹត្តទៅនៅចុងសប្តាហ៍ ឬពេលល្ងាច
• គោរពច្បាប់ និងបទបញ្ជារបស់សាលារៀន
• ចូលរួមការប្រជុំបុគ្គលិក និងជាមួយក្រុមការងាររបស់ខ្លួន (គរុកោសល្យ និងការងារទូទៅ)
• ទំនាក់ទំនងល្អជាមួយមិត្តរួមការងារ និងចេះបត់បែនតាមស្ថានភាពការងារ

• សញ្ញាប័ត្រកំរិតមធ្យមសិក្សាទុតិយភូមិយ៉ាងតិច ឬ បរិញ្ញាបត្រផ្នែកអប់រំកាន់តែប្រសើរ
• វិញ្ញាបនប័ត្រគរុកោសល្យក្នុងការបង្រៀនចេញពីមជ្ឈមណ្ឌលគរុកោសល្យភូមិភាគ ឬវគ្គបណ្តុះបណ្តាលទាបបំផុតស្តីពីចិត្តសាស្រ្ត និងគរុកោសល្យ
• បទពិសោធន៍យ៉ាងតិចចំនួនមួយឆ្នាំ ជាជំនួយការគ្រូបង្រៀននៅសាលាបឋមសិក្សា
• ចំណេះដឹងអំពីការបង្រៀនការអនុវត្តន៍ល្អប្រសើរ ជាមួយនឹងឆន្ទៈក្នុងការអភិវឌ្ឍន៍ជំនាញបង្រៀនរបស់ខ្លួន